維修 REPAIR MAC 地方推介

唔知各位生活用 MAC友 壞左機既時候點算.

點解會話係生活用MAC? 因為部MAC 唔係用黎搵食, 唔可以每2年換一次.

雖然而家D MAC 無以前禁襟, 但小弟話曬都仲用緊部2009年mbp (換過電,加過ram, 拆cd-rom換ssd, 換過CPU 風扇) 總之總括黎講健在, 但好多人用得2年最可怕既事就係死底板.

死底板一般黎講可以話點整都死. 拎番原廠, 收你3份一機價, 拎出出面298, 深水埗成件換果D
收你2-3k, 仲要保得1-3個月 如果係搵食機好多人真係嬲嬲地買過部.

但"生活用mac" 就無呢個籍口, 而部機舊, 又會面臨整番好佢定買部2手算數既兩難.

今日就簡介一間絕症mac 醫院俾大家. 佢位置0係旺角星際3樓轉右再轉右, 名: x達, 佢地係少數一間肯同你遂粒零件換既維修鋪. 而且有曬smd 對位鏡頭, 方便裝嵌 smd 零件 當然仲有其他商業秘密先穩陣整到部mac, 不過就唔講啦, 近年佢地都有賣其他配件. 我以前公司多mac 都幫襯佢佢地幾年, 幾次APPLE唔識整都係搵佢地揾到問題0係邊.